sa aragyan nga aton gina-panawan
Ang maramig nga hangin ka Nobyembre
nagapanalupsop sa akon tul-an.
Ginpirit mo guid takun nga maadto sa taramnan ka tubo,
Hambal mo, palantawon mo takun ka mga biraho.
Sagad mo kabutong ya akun alima,
Ginpirit ko man nga magdasig-dasig panaw.
Kanami gali kananda lantawon!
Hambal ko pa, daw snow sanda sa marayo.
Nag-utoy-utoy timu ka kadlaw.
Daw naham-ut ka guid sa ginhambal ko.
Ginhangkat mo takun dayun nga maglagsanay.
Nagdalagan man ko eh, parayo…parayo.
'ya mga biraho nagaharapay,
Gindasig ko pa gid, 'ya pagdalagan.
Nag-aralay dun 'ya akun siki,
Duro dun man 'ya akun nga gasgas
‘hay ya matarum nga dahun ka biraho
nagasag-id sa akun panit.
Gin-agwanta ko lang ya kahapdi ka akun mga pilas
kag 'ya pangaralay ka akun siki.
Sagad takun ka dalagan parayo, ‘pay sirum dun, waay ko man
lang angud nakit-an bisan 'ya landong mo nga naga-lagas kanakun.
No comments:
Post a Comment