"Stargazing" at ELJ Compound

Plano ko tani, isulat ang detailed account sang "meeting the stars" namon nga experience. Pero sang na-umpisahan ko na sang sulat, na-realize ko nga daw libagon kun gamiton ko ang English, considering sang topic.

Ari na lang ang mga pictures kag mga pahapyaw nga captions instead sang detalyado nga English write-up.

• ANG WALA NA-PLANUHAN NGA TAMBAY SA GUWA SANG ABS-CBN

Pila man ka minuto ang bina-isay kun sa diin kami makadto. Mag-suggest gani ang isa, siyempre indi madula nga may ma-reklamo. Ambot kun sin-o ang nag-lahog, kay indi ko na madumduman, nga makadto na lang kami sa ABS-CBN para mag-pamantay sang mga artista. Kay wala na guid kami sang may mapinsaran nga kadtu-an,   nagpasugot na lang ang tanan biskan daw naham-ut man kami sang ideya nga mag-pamantay kami sang mga artista.

Samtang masako kami ni Leomel sang pa-picture sa atubang sang "Bahay ni Kuya", gulpi ko na lang nabati-an si Fatty nga nagsinggit halin sa tabok sang dalan nga, "Ay si Coco!". Abi ko galahog man lang siya, so wala pa namon siya gin-sapak. Pero nakit-an ko nga nagpanaw palayo sa amon si Fatty pakadto sa isa ka van nga naka-park sa unhan lang guid namon. Nakit-an ko nga may babaye nga nagatindog sa atubang sang nakabukas nga van kag may gina-istorya siya sa sulod. Sige ang lakat ni Fatty palapit, kag may nabatyagan na kami nga tuod ang ginsinggit niya. So, nagsunod kami sa iya kag guess what.....

Sa sobra nga pag-palpitate sang dughan ko, wala na ko kadumdum kun sin-o ang naghambal sa amon nga, "Ay hala si Coco guid man hu!". Daw gulpi lang nagpalanig-a ang akon tiil, OA man pamati-an pero tuod ni 'ya. Sin-o bala ang indi mag amo sadto kun sa atubang mo ang super crush mo, tapos artista pa? Ang kaladlawan pa kay wala ni isa man sa amon ang gulpi naka-recover sa initial schock. Daw pelikula guid ya nga wala sing may naghambal maskin isa sa amon for several seconds kag naka-tunganga pa kami tanan sa iya. Ang mas kaladlawan pa, naka-himasmas kami sang nagsiling ang PA ni Coco, "Gusto niyong magpa-picture? Akin na ang camera niyo." As in, siya pa 'ya ang nag-suggest nga mapa-picture kami! Tapos sang photo opportunity with Coco, nakibot guid ko 'ya sang gulpi nagsiling si Fatty Sheryl , "Coco, puwede pa-hug?". Ako, nga wala pa  fully naka-recover sa pagka-starstruck nakapanumdum, "Pwede gali buhaton ina?"...haha, kaladlawan guid 'ya. Dasun nabati-an ko pa guid si Sheryl Fatty nga nagsiling, "Coco, ako din, puwede?". Sang nakit-an ko nga nagkupo si Sheryl Fatty, feeling ko daw ka surreal sang moment nga ato , kag bag-o pa maka-balik sa full-alertness ang alarm system ko kag makahambal nga "Ako din Coco.", nakita ko na lang nga gapalayo na ang van nga ginsakyan nila. Baw, ambot na lang. Kanugon gd 'ya! As in. Wala niyo abi ko gin-orient nga pwede gali ka request sang hug, haha! Kaladlawan guid 'ya. Bahala na kun sin-o makabasa 'ni ah! Ano karon? haha!


*Note: Pasensiya sa sala nga mga detalye kay tam-an ka marilipaton ang naga-sulat sang captions. Kag gusto pa gali idugang ni Sheryl nga siya man, nag-palpitate sang gin-hug siya ni Coco, sobra pa kuno sa pag-palpitate niya kun may ara sila demo. Amo lang na. Kon may ara pa gali kamu gusto idugang  kag i-edit kay sala ang mga detalye ko diri, lihog paki-post na para tingub ang pag-obra. okay?...haha!

Nalipat ko sang ngalan sang artista nga ini pero kun indi ako mag-sala, daw sa PBB ni siya sang una. Si Leomel, nahuya pa magpa-picture nga isa lang siya pero, gusto niya guid tani. Wala untat hutik niya nga gusto niya tani magpa-picture asta nga si Fatty na lang ang nagpamangkot kun puwede. Nakapa-picture guid man sila, pero pasensiya na Leomsie wala ko na gin-upload diri ha?

Ang picture nga ini ang nagpahanumdom sa akon kun daw ano kabudlay ang mangin artista. Tuod guid man gali nga maskin indi maayo ang mood mo, kay gina-pangayo sang obra, kinahanglan mo guid ipakita ang yuhum mo. Ahay daw na-guilty man ko pagkakita ko sini ah.

Si Sheryl, samtang sige kami pa-picture, wala untat man siya sulit sang, "Hala daw indi sila ya mga tawo no? Kagamay sang gawi niya ho kag tan-awa bala ang panit! Daw indi guid ya sila tawo!" Huo na she, you have made your point....haha...=)

Maskin sin-o na lang, waay sing pili ah. Nalipat ko, sin-o 'ni siya gani? Sa diin gani 'ni siya nga commercial ah?

Pa-picture...

Pa-picture pa guid...

Ano pa abi ang pwede ma-obra habang gahulat pa guid sang may ma-agi nga mga artista? Mabati-an gali halin sa ginahulatan namon ang tingug sang mga hosts sa ASAP halin sa upper floor sang building.

• IT WAS A HAPPY YIPEE YEHEY DAY!

No pun intended ina ha, pasensiya lang. Nag-umpisa ang tanan sa lahog ni Bessy sa kay toto Samuel nga kun pwede niya kami makuhaan sang ticket sa showtime. Hambal gani nila, "You couldn't have the best of both worlds". So, sang nag-reply siya nga pwede kami katan-aw pero sa Happy Yipee Yehey lang kuno ang bakante, choosy pa ba kami? Samtang gapalapit na ang "big day", siyempre excited na ang tanan. Ang iban gahipos lang pero ga-praktis sang "Sakto! Wahaha!" sa atubang sang espiyo, ambot lang kun sin-o. Pero, si Lorenz nga super excited, gin-papuli na ni nanay niya sa Iloilo. Maskin naga-binagyo, wala guid na-cancel ang flight niya, so nagpuli siya nga daku guid ang langot sang buot niya. Tsakto, Mark? Si Sheryl iya, ginmasakit sang ara na ang "big day". Teh, wala kami mahimo kundi kami na lang guid nga apat ang naglantaw nga supposed to be, good for twenty persons ang ginpa-reserve nga seats.

At last, naka-tapak na guid man kami sa sulod sang Studio 6 ABS-CBN! Wala na ni 'ya pugong-pugong!

Dapat gali, thirty minutes before the show, sa sulod na sang studio ang audience. Nakibot kami kay kagamay gali sang studio nga kun sa tv tan-awon, pamatyagan mo daw daku-daku. Gin-briefing anay kami kun ano ang mga dapat kag indi dapat buhaton habang ga-air ang show. Siyempre, nagpraktis kami sang actions. Amo gali na ang feeling 'no? Biskan daw nahuya kaw tani, pero malatnan ka guid sang lively atmosphere sa sulod sang studio. 

Kaladlawan kay ang family and friends namon sa Passi nag-effort man nga matan-aw sang Happy Yipee Yehey sa TV. Ang magulang gani ni Chal, wala nagpa-pugong biskan sa eskwelahan. Anu-anu man lang nga daw may away si Pacquiao man. Dasun, waay untat pa ang text nila nga nakit-an nila kuno kami sa TV. Teh Lorenz, ano pa guid ayhan kun diri ka? Ginpasirado na guro ang Man-it kay duwa guid kita 'ya ang representative. hahaha! Ay, daw ako lang guid 'ya ang nalipay. Pag-lawag ni Randy sang "from Iloilo City!", baw daw gin-itik kami nga apat sa udyak. Pero indi guid madula ang mga may "more exposure" kag "less exposure" nga audience. Sa sunod Bes, kun may tv appearance na man kita (char! haha!), mapula man kami para labayan man kami sang camera sang sulit-sulit.

So far, okay man ang first tv appearance namun ah. Indi lang gali okay, sobra guid 'ya ka okay! Amo lang 'ni ah kay daw ma-ubusan na ko sang Hiligaynon. Sa sunod, dapat studio tours na ha?

*Promise, by that time, sagad na 'ko mag-Hiligaynon.